ვალერიან ვეკუა – კუჭზე ფიქრით

წუთისოფელში არაფერი თუ არ გადარდებს,
ვერც კი მიხვდები, ბორკილები როდის დაგადეს.

შენს ირგვლივ რამე კუჭზე ფიქრით თუ არ გაწუხებს,
რაღაც გაიგებ წუთისოფლის ხუნდებს, მარწუხებს?

მხოლოდ სიხარბით, უბადრუკო, გვამს თუ ალაღებ,
ასეთ ყოფაში სულს ვერაფრით ვერ გაალაღებ.

ორაგულივით არ მიაპობ მდინარის ტალღებს?
არვინ მოგართმევს ბორკილების ოქროს გასაღებს…

ქ. თბილისი
07.04.2016