ცოდვილ მიწაზე მადლი ჰქმენი, თესე სიკეთე
შეგეწიება, უფალს სთხოვე არსობის პური,
მამულისათვის პატრუქივით თუკი აენთე,
მუსრე ურჩხული, გამოიბი მუხლები მგლური.
რწმენა ისაა, ღმერთს მიუძღვნა გონი და გული,
იტვირთე ჯვარი, ერისათვის იყავ დაგული,
ერს დაესმება მაშინ დაღი სატანისტური,
აქ თუ აშენდა ბაბილონი, თუ სინგაპური.
ბარაბას გზაზე შემდგარია მრევლი მრავალი,
ვერ გაიმარჯვებს ვერასოდეს ამ გზით მავალი,
მხოლოდ გოლგოთა, მხოლოდ ჯვარცმა და გზა მართალი,
ქრისტეს გზის გარდა სხვა არ არის გამოსავალი.
ქ. თბილისი
27.09.2013 წ.
ჯვართამაღლება
დატოვე კომენტარი